1
Ils dretgs da regals dal chantun èn:
1.
il regal da sal;
2.
il regal da chatscha;
3.
il regal da pestga.
2
Il regal da minieras è in dretg da regal da las vischnancas.
3
Ils dretgs da regals dattan il dretg exclusiv d’utilisaziun. Il chantun respectivamain las vischnancas pon profitar sezs da quests dretgs u als surdar a terzas persunas.
4
Tras la lescha po il chantun fundar u pratitgar monopols, sche l’interess da la publicitad pretenda quai.
5
Dretgs privats existents restan resalvads.