Il servetsch medical cumpetent elavura quellas datas persunalas spezialmain sensiblas davart la sanadad ch’èn necessarias per:
giuditgar las qualificaziuns dals candidats cur ch’els vegnan engaschads;
giuditgar las qualificaziuns dals emploiads durant la relaziun da lavur;
giuditgar las ristgas d’invaliditad e da morbiditad dals candidats cur ch’els vegnan engaschads per funcziuns relevantas per la segirezza.75
El po elavurar questas datas en in sistem d’infurmaziun.76
Ils emploiads dal servetsch medical ed ils uffizis responsabels per il support tecnic survegnan access al sistem d’infurmaziun, uschenavant che quai è necessari per ademplir lur incumbensas.77
Il Cussegl federal decretescha disposiziuns executivas davart:
l’organisaziun e la gestiun dal sistem d’infurmaziun;
l’elavuraziun da las datas, en spezial l’acquisiziun, la conservaziun, la communicaziun, l’archivaziun e la destrucziun;
ils catalogs da datas;
las mesiras tecnicas ed organisatoricas per impedir che terzas persunas betg autorisadas possian elavurar datas persunalas.78
El dastga infurmar ils posts interessads davart las conclusiuns finalas da constataziuns medicalas mo per quant che quai è necessari per giuditgar l’abilitad da vegnir engaschà ed assicurà e l’abilitad da lavurar da candidats u per prender posiziun en cas da pretaisas or da la relaziun da lavur.
Dal rest dastga el dar vinavant datas da sanadad ed actas medicinalas mo cun l’approvaziun en scrit da la persuna pertutgada; sche l’approvaziun vegn refusada, po ins mo dar vinavant datas u actas cun l’autorisaziun dal post inditgà en las disposiziuns executivas.
L’autorisaziun tenor l’alinea 3 vegn refusada, sche:
la persuna, davart la quala i vegn pretendì infurmaziuns, ha in interess dominant da discreziun;
questa pregiuditgass essenzialmain il patrun en la realisaziun da sias incumbensas;
interess publics pretendan quai.