L’uffizi dal stadi civil ch’è cumpetent per la documentaziun communitgescha a l’autoritad per la protecziun d’uffants dal domicil da l’uffant:209
la naschientscha d’in uffant, sch’ina relaziun da figlialanza exista il mument da la naschientscha mo cun in genitur;
la naschientscha d’in uffant ch’è naschì entaifer 300 dis suenter la mort u suenter la decleraziun da spariziun dal consort da la mamma;
la renconuschientscha d’in uffant minoren;
la decleraziun davart la tgira genituriala cuminaivla ch’è vegnida fatga ensemen cun la renconuschientscha sco er la cunvegna davart l’imputaziun da la bunificaziun d’educaziun;
l’annunzia posteriura d’ina segunda mamma tenor l’artitgel 35 alinea 6bis;
la mort d’in genitur ch’exequescha la tgira genituriala;
la mort d’in uffant entaifer ses emprim onn da vita, sch’i n’exista nagina relaziun da figlialanza cun in segund genitur;
il chat d’in uffant chattà;
l’adopziun d’in uffant a l’exteriur.
…216
L’autoritad da surveglianza communitgescha a l’autoritad per la protecziun d’uffants, che sa chatta al domicil da la persuna en dumonda, l’entrada d’ina dumonda per la renconuschientscha d’ina lètg ch’è vegnida concludida a l’exteriur cun ina persuna minorenna.217