1
Tgi che fa valair in interess degn da vegnir protegì, po dumandar la dretgira da laschar reinscriver en il register da commerzi in’unitad giuridica stizzada.
2
In interess degn da vegnir protegì exista en spezial, sche:
1.
betg tut las activas n’èn vegnidas liquidadas u repartidas suenter la terminaziun da la liquidaziun da l’unitad giuridica stizzada;
2.
l’unitad giuridica stizzada sa participescha ad ina procedura giudiziala sco partida;
3.
la reinscripziun è necessaria per rectifitgar in register public; u
4.
la reinscripziun è necessaria per terminar la procedura da concurs da l’unitad giuridica stizzada.
3
En cas da mancanzas en l’organisaziun da l’unitad giuridica prenda la dretgira las mesiras necessarias ensemen cun l’ordinaziun da la reinscripziun.