La consegna da communicaziuns, da disposiziuns e da decisiuns dals uffizis da scussiun e da concurs sco er da las autoritads da surveglianza ha lieu per posta recumandada u cun confermar la recepziun en autra moda e maniera, nun che questa lescha fixeschia insatge auter.
Cun il consentiment da la persuna pertutgada pon communicaziuns, disposiziuns e decisiuns vegnir consegnadas sin via electronica. Ellas ston vegnir munidas cun ina signatura electronica tenor la Lescha federala dals 18 da mars 201662 davart la signatura electronica. Il Cussegl federal regla:
la signatura che sto vegnir utilisada;
il format da las communicaziuns, da las disposiziuns e da las decisiuns sco er da lur agiuntas;
la moda e maniera da la transmissiun;
il mument, il qual la communicaziun, la disposiziun u la decisiun vala sco consegnada.63