La procura publica e las dretgiras pon ordinar l’ospitalisaziun d’ina persuna inculpada, sche quai è necessari per elavurar in’expertisa medicinala.
La procura publica pretenda l’ospitalisaziun tar la dretgira da mesiras repressivas, sche la persuna inculpada respectiva na sa chatta betg gia en arrest d’inquisiziun. La dretgira da mesiras repressivas decida en chaussa en ina procedura en scrit.105
Sch’i sa mussa durant la procedura giudiziala ch’ina ospitalisaziun saja necessaria per obtegnair in’expertisa, decida la dretgira respectiva en chaussa en ina procedura en scrit.106
La dimora a l’ospital vegn messa a quint al chasti.
Dal rest sa drizzan l’ospitalisaziun per far in’expertisa confurm al senn tenor las prescripziuns davart l’arrest d’inquisiziun e davart l’arrest da segirezza.