1
Las citaziuns da la procura publica, da las autoritads penalas per surpassaments e da las dretgiras vegnan decretadas en scrit.
2
Ella cuntegnan:
a.
la designaziun da l’autoritad penala citanta e da las persunas che vegnan ad exequir l’act processual;
b.
la designaziun da la persuna citada e da la qualitad, en la quala ella duai sa participar a l’act processual;
c.
il motiv da la citaziun, nun che l’intent da l’inquisiziun scumondia questa infurmaziun;
d.
il lieu, la data e las uras che la persuna citada sto cumparair;
e.
il cumond da vegnir persunalmain;
f.
il renviament a las consequenzas giuridicas en cas d’ina absenza nunperstgisada;
g.
la data da l’emissiun da la citaziun;
h.
la suttascripziun da la persuna citanta.