Perquisiziuns ed inspecziuns vegnan ordinadas en in cumond en scrit. En cas urgents pon ellas vegnir ordinadas a bucca; ellas sto dentant vegnir confermadas posteriuramain en scrit.
Il cumond designescha:
las persunas, las localitads, ils objects u las registraziuns che ston vegnir perquirids u inspectads;
l’intent da la mesira;
las autoritads u las persunas ch’èn incumbensadas da far las perquisiziuns u las inspecziuns.
Sch’i resulta in privel dal retard, po la polizia ordinar che las chavorgias e las averturas betg visiblas dal corp vegnian inspectadas e far senza cumond perquisiziuns; ella infurmescha immediatamain en chaussa l’autoritad penala cumpetenta.
La polizia po perquirir ina persuna fermada u arrestada, en spezial per garantir la segirezza da persunas.