La procura publica po suspender ina inquisiziun, en spezial, sche:
il delinquent u sia dimora n’è betg enconuschent u igl existan auters impediments temporars da la procedura;
il resultat da la procedura penala dependa d’ina autra procedura ed i para dad esser inditgà da spetgar sin il resultat da tala;
ina procedura d’enclegientscha è pendenta ed i para dad esser inditgà da spetgar sin il resultat da tala;
ina decisiun en chaussa dependa da l’ulteriur svilup da las consequenzas dal malfatg.
En cas da l’alinea 1 litera c è la suspensiun limitada a 3 mais; ella po vegnir prolungada ina giada per 3 mais.
Avant la suspensiun registrescha la procura publica las cumprovas ch’èn periclitadas d’ir a perder. Sch’il delinquent u sche sia dimora n’è betg enconuschent, iniziescha ella sia tschertga.
La procura publica communitgescha la suspensiun a la persuna inculpada, a l’accusader privat sco er a la victima.
Dal rest sa drizza la procedura tenor las disposiziuns davart la sistida d’ina procedura.