1
Sche questa lescha pretenda ch’il med legal vegnia motivà, sto la persuna u l’autoritad che prenda il med legal inditgar exactamain:
a.
tge aspect da la decisiun ch’ella contesta;
b.
tge motivs che dumondan in’autra decisiun;
c.
a tge meds da cumprova ch’ella sa referescha.
2
Sche l’inoltraziun n’ademplescha betg questas pretensiuns, la refusescha l’instanza da recurs per mauns da l’autur per la curreger entaifer in curt termin supplementar. Sche l’inoltraziun n’ademplescha er suenter il termin supplementar betg las pretensiuns, n’entra l’instanza da recurs betg en il med legal.
3
La designaziun incorrecta d’in med legal n’ha nagin effect sin sia valaivladad.