1
La dretgira d’appellaziun fa in’examinaziun provisorica da la dumonda da revisiun en ina procedura en scrit.
2
Sche la dumonda è evidentamain inadmissibla ubain nunmotivada u sche la dumonda è vegnida fatga e refusada pli baud cun ils medems arguments, n’entra la dretgira betg en chaussa.
3
Cas cuntrari envida ella las ulteriuras partidas e l’instanza precedenta da prender posiziun en scrit.
4
Ella concluda las cumplettaziuns da cumprovas e da las actas sco er mesiras preventivas, nun che la direcziun da la procedura saja cumpetenta en chaussa tenor l’artitgel 388.