La dretgira po excluder dal tuttafatg u per part la publicitad da tractativas giudizialas:
sche la segirezza publica u l’urden public u interess degns da vegnir protegids d’ina persuna participada, en spezial da la victima, pretendan quai;
en cas da grondas fullas.
Sche la publicitad è exclusa, pon la persuna inculpada, la victima e l’accusader privat sa laschar accumpagnar da maximalmain trais persunas da confidenza.
Sut tschertas cundiziuns po la dretgira permetter a rapportaders da dretgira ed ad ulteriuras persunas che han in interess giustifitgà d’assister a las tractativas betg publicas tenor l’alinea 1.
Sche la publicitad è vegnida exclusa, communitgescha la dretgira la sentenzia en ina tractativa publica u orientescha la publicitad sche necessari en in’autra moda adequata davart il resultat da la procedura.