1
La direcziun è l’organ operativ. Ella ademplescha tut las incumbensas che n’èn betg attribuidas ad in auter organ.
2
Ils commembers da la direcziun defendan ils interess da la fundaziun. En cas d’in conflict d’interess prenda il commember respectiv recusaziun. Conflicts d’interess durabels excludan ina commembranza.
3
Il directur presidiescha la direcziun. El:
a.
engascha il persunal da la fundaziun;
b.
represchenta la fundaziun vers anora;
c.
decida sin proposta da la cumissiun spezialisada davart agids finanzials considerabels e davart programs impurtants da la fundaziun; decisiuns che divergeschan da la proposta ston vegnir motivadas.
4
Ils detagls vegnan reglads en l’urden da gestiun.