Il Cussegl federal po prescriver:
al possessur d’ina deponia da pajar a la Confederaziun ina taxa sin il deposit da ruments;
a quel ch’exportescha ruments per il deposit da pajar a la Confederaziun ina taxa sin l’export da ruments.
Per deponias, sin las qualas vegnan depositads exclusivamain ruments betg smerdads, po vegnir prescritta ina taxa mo, sche quai è necessari per promover il recicladi da tals ruments.73
Il Cussegl federal fixescha las tariffas da la taxa e resguarda en quest connex ils custs, cun ils quals i sto vegnir fatg quint, sco er il tip da la deponia. La tariffa da la taxa importa maximalmain:
per ruments depositads en Svizra:
en cas da deponias per ruments betg u pauc smerdads: 8 fr./t,
en cas da las ulteriuras deponias: 25 fr./t;
per ruments depositads a l’exteriur:
en cas da deponias sutterranas: 30 fr./t,
en cas d’autras deponias: uschè bler sco ch’ella importass per depositar ils ruments sin ina deponia en Svizra.74
El po adattar la tariffa da la taxa tenor l’alinea 2 a l’index naziunal dals pretschs da consum.75
…76