Las suandantas autoritads sustegnan ina l’autra e dattan ina a l’autra las infurmaziuns ch’ellas dovran per impedir e per persequitar cuntravenziuns sco er per exequir mesiras tenor la legislaziun davart l’ambient, la protecziun da la natira e da la patria, la protecziun da la cuntrada, la protecziun da las auas, la reducziun da las emissiuns da gas cun effect da serra, la conservaziun dal guaud, la chatscha, la pestga, la tecnica genetica u il traffic cun spezias d’animals e da plantas protegidas:
l’uffizi federal;
il UDSC;
l’Uffizi federal da segirezza alimentara e fatgs veterinars;
l’Uffizi federal da polizia;
la Procura publica federala;
las autoritads penalas ed administrativas chantunalas;
ulteriuras autoritads penalas u administrativas federalas designadas dal Cussegl federal, sche quai è necessari per ademplir incumbensas ed obligaziuns tenor questa legislaziun.
Las infurmaziuns transmessas pon cuntegnair er datas persunalas spezialmain sensiblas davart persecuziuns u sancziuns administrativas e penalas, sche quai è necessari per l’adempliment da las incumbensas ed obligaziuns legalas da las autoritads respectivas.
Disposiziuns pli severas da la Confederaziun e dals chantuns restan resalvadas.