Mintga chantun constituescha, tras in decret, ina cassa da cumpensaziun chantunala sco institut chantunal autonom da dretg public. Resalvà resta l’alinea 1bis.323
La cassa da cumpensaziun chantunala po esser affiliada ad in institut chantunal d’assicuranza sociala, sche quel è concepì sco institut chantunal autonom da dretg public e dispona d’ina cumissiun administrativa independenta dal chantun.324
Il decret chantunal sto vegnir approvà da la Confederaziun325 e sto cuntegnair disposiziuns davart:
las incumbensas e las cumpetenzas dal manader da la cassa;
l’organisaziun interna da la cassa;
…
ils princips per incassar las contribuziuns als custs d’administraziun;
l’elecziun dal post da revisiun;
la controlla dals patruns;
l’approvaziun dal quint annual e dal rapport da gestiun da la cassa da cumpensaziun;
l’instituziun da la cumissiun administrativa e sia grondezza, sia cumposiziun e sias cumpetenzas.