Las prestaziuns tenor questa lescha èn privadas da l’execuziun sfurzada.
Dumondas da restituziun pon vegnir scuntradas cun las suandantas prestaziuns:
prestaziuns supplementaras ch’èn da pajar;
prestaziuns ch’èn da pajar sin basa d’autras leschas davart assicuranzas socialas, uschenavant che questas leschas prevesan ina scuntrada;
prestaziuns dal provediment professiunal ch’èn da pajar.
Avant la scuntrada stoi vegnir controllà d’uffizi, sche l’obligaziun da restituziun po vegnir relaschada tenor l’artitgel 25 alinea 1 LPGA78.
Sch’in post incaricà cun l’execuziun ha annunzià ad in’autra assicuranza sociala u ad ina instituziun da provediment la scuntrada d’ina prestaziun ch’è da pajar, na po quest purtader betg pli pajar sia prestaziun cun effect liberant a la persuna assicurada en la dimensiun da la scuntrada.