1
La Confederaziun sustegna las meglieraziuns da structura cun credits d’investiziun.
2
Ella metta a disposiziun als chantuns ils meds finanzials per ils credits d’investiziun.
3
Ils chantuns concedan ils credits d’investiziun sco emprests senza tschains.
4
Ils emprests ston vegnir restituids entaifer 20 onns.
5
Sche l’emprest duai vegnir segirà tras in pegn immobigliar, po la documentaziun publica dal contract da pegn vegnir remplazzada tras ina disposiziun da l’autoritad che conceda l’emprest.
6
Il Cussegl federal fixescha l’autezza dals credits d’investiziun e las modalitads da la restituziun.
7
El po fixar premissas e cundiziuns per conceder credits d’investiziun.