La Confederaziun sustegna:
las suandantas mesiras per meglierar las structuras en la construcziun bassa:
meglieraziuns,
infrastructuras per transports agriculs,
stabiliments e mesiras en il sectur da la meglieraziun dal terren e da la bilantscha d’aua,
infrastructuras da basa dal territori rural;
las suandantas mesiras per meglierar las structuras en la construcziun auta:
edifizis e stabiliments che servan ad elavurar, a deponer u commerzialisar products agriculs regiunals,
edifizis d’economia, edifizis d’abitar e stabiliments da l’agricultura,
diversificaziun da l’activitad en secturs parentads cun l’agricultura;
projects per il svilup regiunal;
las suandantas mesiras supplementaras per meglierar las structuras:
mesiras per promover la sanadad dals animals sco er ina producziun che respecta spezialmain l’ambient ed ils animals,
mesiras per promover la collavuraziun tranter plirs manaschis,
mesiras per promover l’acquist da manaschis agriculs e da terren agricul.
Sustegnidas vegnan mesiras collectivas da plirs manaschis e mesiras individualas da manaschis singuls.