Per l’access a las purschidas da las glistas da las purschidas da gieu bloccadas na po vegnir fatg responsabel ni tenor il dretg civil ni tenor il dretg penal, tgi che:
n’incitescha betg la transmissiun da las purschidas da gieus per daners;
na tscherna betg il retschavider da las purschidas; e
na mida betg las purschidas.
Ils purschiders da servetschs da telecommunicaziun che realiseschan mesiras ed ordinaziuns tenor las disposiziuns da quest artitgel per ademplir lur obligaziuns tenor l’artitgel 86 alinea 4 e l’artitgel 89 alinea 2, na pon vegnir fatgs responsabels ni tenor il dretg civil ni tenor il dretg penal per:
l’inobservanza da las mesiras da bloccada tras terzas persunas;
la violaziun dal secret da telecommunicaziun u dal secret da fatschenta;
ina violaziun d’obligaziuns contractualas u extracontractualas.