Tut las disposiziuns legislativas impurtantas vegnan fixadas da l’Assamblea federala en furma d’ina lescha federala.
Ella po fixar ulteriuras disposiziuns legislativas en furma d’ina lescha federala u – tant enavant ch’ella è autorisada tras la Constituziun federala u tras ina lescha da far quai – en furma d’ina ordinaziun da l’Assamblea federala.
Sche las cumissiuns cumpetentas da l’Assamblea federala pretendan quai, las consultescha il Cussegl federal avant che decretar disposiziuns legislativas, premess che l’urgenza da l’ordinaziun permettia quai. Sbozs d’ordinaziuns tenor l’artitgel 151 alinea 2bis ston vegnir suttamess en mintga cas a las cumissiuns cumpetentas per la consultaziun.33
Sco legislativas valan disposiziuns che decreteschan obligaziuns, surdattan dretgs u fixeschan cumpetenzas, e quai en moda directamain lianta e generalmain abstracta.