Cun agen maun ed en preschientscha da la persuna ch’è cumpetenta per la recepziun u per la documentaziun ston vegnir suttascrits:
il consentiment a la renconuschientscha (art. 11 al. 4 );
la decleraziun davart la renconuschientscha d’in uffant (art. 11 al. 5 e 6);
la decleraziun davart la tgira genituriala cuminaivla (art. 11b al. 1);
la decleraziun concernent il num avant la maridaglia u suenter l’inscripziun dal partenadi a l’exteriur (art. 12 al. 3);
...
la decleraziun concernent il num suenter la schliaziun da la lètg (art. 13 al. 2);
la decleraziun concernent il num suenter la schliaziun dal partenadi registrà (art. 13a al. 2);
la decleraziun concernent il num tenor l’artitgel 8a titel final CCS (art. 14a al. 2);
la decleraziun concernent la midada da la schlattaina ch’è inscritta en il register dal stadi civil e concernent la midada dals prenums che resulta qua tras (art. 14b al. 1);
il consentiment a la decleraziun concernent la midada da la schlattaina inscritta en il register dal stadi civil (art. 14b al. 2);
la conferma da la correctadad da las indicaziuns (art. 16a);
la decleraziun tar la cumprova d’indicaziuns nundispitaivlas (art. 17);
la decleraziun davart il num da l’uffant (art. 37 al. 5 e 37a al. 6);
il consentiment da l’uffant a la midada da num (art. 37b al. 2 );
la decleraziun davart las premissas per la maridaglia (art. 65 al. 1 e 2);
la conferma da la maridaglia (art. 71 al. 4 );
la decleraziun concernent la conversiun dal partenadi registrà en ina lètg (art. 75n al. 4 e 75o al. 1 lit. c);
…
Sch’ina persuna pronta da suttascriver n’è betg abla da suttascriver, vegn quai documentà – ensemen cun ina motivaziun – en scrit da la persuna d’uffizi cumpetenta tenor l’artitgel 4 u 5.