Las decisiuns davart dumondas penalas e civilas specificas sco er las decisiuns posteriuras independentas e las decisiuns da confiscaziun independentas vegnan decretadas en furma d’ina sentenzia. Las autras decisiuns vegnan decretadas en furma d’in conclus, sch’ellas vegnan prendidas d’ina autoritad colleghiala, ed en furma d’ina disposiziun, sch’ellas vegnan prendidas d’ina persuna singula.33 Las disposiziuns da la procedura da mandat penal restan resalvadas.
Las decisiuns vegnan decretadas en scrit e vegnan motivadas. Ellas vegnan suttascrittas da la direcziun da la procedura sco er dal protocollist e tramessas a las partidas.
Disposiziuns e conclus procedurals simpels na ston ni vegnir redigids en ina furma speziala ni vegnir motivads; i vegnan remartgads en il protocol e communitgads en moda adequata a las partidas.