1
La consegna ha lieu tras ina publicaziun en il fegl uffizial designà tras la Confederaziun u tras il chantun, sche:
a.
il lieu da dimora da l’adressat n’è betg enconuschent e na po betg vegnir eruì, malgrà retschertgas pretendiblas;
b.
ina consegna n’è betg pussaivla u fiss colliada cun malcumadaivladads extraordinarias;
c.
ina partida u ses assistent giuridic cun domicil, cun lieu da dimora usità u cun sedia a l’exteriur n’ha betg designà in domicil da consegna en Svizra.
2
La consegna vegn considerada sco succedida il di da la publicaziun.
3
Da decisiuns finalas vegn publitgà mo il dispositiv.
4
Disposiziuns da sistida e mandats penals vegnan considerads sco consegnads er senza publicaziun.