Il funcziunari che fa l’inquisiziun sequestrescha:
objects che pon avair ina impurtanza sco mussaments;
objects ed autras valurs da facultad che vegnan probablamain confiscads;
ils regals ed autras donaziuns che crodan al stadi.
Auters objects ed autras valurs da facultad che han servì a commetter la cuntravenziun u ch’èn il product da tala pon vegnir sequestrads, sche quai para dad esser necessari per evitar novas cuntravenziuns u per segirar in dretg da pegn legal.
Objects e documents dal contact d’ina persuna cun ses advocat na dastgan betg vegnir sequestrads, uschenavant che l’advocat è autorisà da represchentar partidas davant dretgiras svizras tenor la Lescha dals 23 da zercladur 200052 davart las advocatas ed ils advocats ed uschenavant ch’el n’è betg inculpà sez en connex cun la medema chaussa.53