Ils custs da la Cumissiun da surveglianza suprema e dal secretariat sco er ils custs d’incassament dal fond da garanzia vegnan cuvrids tras:271
ina taxa da surveglianza annuala;
taxas per disposiziuns e per servetschs.
La taxa da surveglianza annuala vegn calculada:
per la surveglianza dal sistem e per la surveglianza suprema da las autoritads da surveglianza tenor l’autezza da las prestaziuns d’extrada da tut las persunas assicuradas e da las rentas da las instituziuns da provediment ch’èn suttamessas a la LFLP273, sco quai ch’i resulta dal quint da gestiun;
per il fond da garanzia, per l’instituziun auxiliara e tar las fundaziuns d’investiziun tenor la facultad ed eventualmain tenor il dumber da facultads spezialas.
Il Cussegl federal determinescha ils custs da surveglianza imputabels e fixescha la procedura per calcular il cas singul, sco er la tariffa da las taxas.
…274